اسلام آباد۔ 09اپریل (اے پی پی) الیکشن کمیشن آف پاکستان پارینے کہ لس گچین کاری 2024 اٹی گچین کاری تیٹی بشخ ہلوک آ جماعت آک سرسہب اومیتدار آتا نوٹیفکیشن نا جاری کننگ نا 60 دے اناتہہ ٹی تینا گچین کاری مہم نا خڑچ و عطیہ (دہ لکھ روپئی نا بریبر و زیات) تروک آتا سرجم آتے الیکشن کمیشن آف پاکستان اسلام آباداٹی جمع کرفنگ نا پابند ءُ۔ سے شنبے نادے آ ترجمان الیکشن کمیشن نا کنڈآن جاری بیان نا رداٹ ہمو غٹ سیاسی جماعت ہرافک لس گچین کاری 2024 اٹی بشخ ہلکوسر ءِ حوال تننگک کہ او الیکشن ایکٹ 2017 نا سیکشن 211 و الیکشن رولز 2017 نا رول 161 نا رداٹ سرسہب اومیتدار آتا نوٹیفکیشن نا جاری کننگ نا 60 دے انا تہہ ٹی تینا گچین کاری مہم نا خڑچ و عطیہ (دہ لکھ روپئی نا بریبر و زیات) تروک آتا سرجم آتے الیکشن کمیشن آف پاکستان اسلام آباد اٹی جمع کرفنگ نا پابند ءُ۔ دابابت غٹ سیاسی جماعت آتے نوٹس جاری کننگک کہ او تینا گچین کاری مہم نا خڑچ و مبلغ دہ لکھ روپئی نا بریبر یازیات عطیہ تروک آتا سرجم آتے مجوزہ فارم 68آ الیکشن کمیشن آف پاکستان اسلام آباد اٹی مورخۃ 22اپریل 2024 آن مست جمع کرفر۔ وگرنہ الیکشن کمیشن آف پاکستان دا سیاسی جماعت آتا گچین کاری نشان تے پدی ہلنگ نا اختیار تخک۔
