اسلام آباد۔ 09اپریل (اے پی پی) پاکستان پیپلزپارٹی نا سینیٹر سید یوسف رضاگیلانی بے مقابلہ غان چیئرمین سینیٹ و پاکستان مسلم لیگ (ن) نا سینیٹر سیدال خان ناصر بے مقابلہ غان ڈپٹی چیئرمین سینیٹ گچین مسنو۔ سے شنبے نادے آ سینیٹ نا دیوان اٹی جاری کروک آ چیئرمین سینیٹ و ڈپٹی چیئرمین سینیٹ نا گچین کاری کن پندار کاغد آتے دے انا 11 بجہ اسکان جمع کرفنگا۔ 11 بجہ ءُ 15 منٹ آپنداری کاغد آتاجاچ پڑتال ءِ کننگا۔ چیئرمین سینیٹ کن پاکستان پیپلزپارٹی نا پوسکن گچین مروک آ سینیٹر سید یوسف رضاگیلانی چیئرمین سینیٹ و سیدال خان ناصر ڈپٹی چیئرمین سینیٹ کن پندارکاغد آتے جمع کرفیر اوفتا مدمقابل اسہ اومیتدار اس ہم پنداری کاغدآتے جمع کرفتو و سینیٹر سید یوسف رضاگیلانی بے مقابلہ غان چیئرمین سینیٹ و سیدال خان ناصر ڈپٹی چیئرمین سینیٹ گچین مسنو۔

متعلقہ مضامینمصنف کی طرف سے مزید