اسلام آباد۔ 09اپریل (اے پی پی) سینیٹ اٹی پریذائیڈنگ آفیسر وزیرخارجہ اسحاق ڈار پارینے کہ گچین مروک آ باسک آتا سوغند آن بیدس ووٹنگ تون اوار ایوان نا اسہ کارروائی اسے ٹی ہم بشخ ہلنگ مفک۔ سے شنبے نادے آ سینیٹ نا دیوان نا کماشی ءِ کرسا اوپارے کہ نن ایوان اٹ گچین روایت آتے بایدے مون آ دین۔ اوپارے کہ گچین مروک آ باسک آتا سوغند آن بیدس ووٹنگ تون اوار ایوان نا کارروائی ٹی بشخ ہلنگ مفک۔ داکان مست سینیٹر علی ظفر پارے کہ اینو نا دیوان اٹی چیئرمین سینیٹ و ڈپٹی چیئرمین سینیٹ نا گچین کاری مننگ ءِ۔ ایوان اٹی خیبرپختونخوا نا نمائندگی اف۔ سینیٹ بنجانا علامت مریک۔ خیبرپختونخوا اسمبلی ٹی سینیٹ باسک آتا گچین کاری اسکان دیوان ءِ ملتوی کننگک۔
