لاہور۔ 09اپریل (اے پی پی) لاہور ہائیکورٹ تحریک انصاف نا راہشون و مسکوہی بنجائی وزیر حماد اظہر نا مقدمہ غاتا سرجم آتا فراوان کننگ نا دائر درخواست آ وکیل ءِ معلوم مروک ایف آئی آرز نا پک مروک کاپی تے درخواست تون اوار خلنگ نا پارت کرسا سماعت ءِ 17 اپریل اسکان پدبٹے۔ جسٹس عالیہ نیلم حماد اظہر نا درخواست آ سے شنبے نادے آ بنائی سماعت کرے ہراٹی پنجاب پولیس تون اوار ایلوفتے فریق کننگانے وموقف اختیار کننگانے کہ درخواست گزار آ بے بنداو مقدمہ نوشتہ کننگا، تعلقدار فریق آتیان مقدمہ غاتا سرجم آتے ہلسا فراوان کننگے، لاہور ہائیکورٹ درخواست گزار ءِ تعلقدار عدالت آتیٹی پیش مننگ نا موقع فراوان کے۔ سماعت اٹی عدالت وکیل درخواست گزار ءِ معلوم مروک ایف آئی آرز آتا پک مروک کاپی تے خلنگ نا پارت کرے ہراڑآ درخواست گزار نا وکیل پارے کہ نن عئید آن دمدستی پد معلوم مروک ایف آئی آر نا کاپی تے اوار خلیرہ۔ عدالت دائر درخواست آسماعت ءِ 7 اپریل اسکان پدبٹے۔
