اسلام آباد۔ 08 اپریل (اے پی پی) چنکا عئید انا نوک ءِ ہُننگ کن مرکزی رویت ہلال کمیٹی نا دیوان پگہ (سے شنبے ) آ اسلام آباد اٹی مریک وخت اس کہ زونل و ضلعی ہلال کمیٹی تا دیوان تینا تینا تعلقدار ہند آتیا مریک۔ وزارت مذہبی امور نا ترجمان نا رداٹ مرکزی رویت ہلال کمیٹی نا دیوان نا کماشی چیئرمین مولانا عبدالخبیر آزاد کیک، دیوان اٹی کمیٹی نا باسک آتون اوار وزارت سائنس اینڈ ٹیکنالوجی و سپارکو نا کمکار عملہ و آفیسر آک ہم بشخ ہلیرہ۔ نوک انا رویت نا بابت مرکزی رویت ہلال کمیٹی نا چیئرمین مولانا عبدالخبیر آزاد مچ آملک آن ملوک آ شاہدی تے مون آتخسا گڈیکو پڑو ءِ کیک۔
