ملک اکن قربانی تروک آمخلوق ننا کاٹم نا تاج آک ءُ اوفتا قربانیک اسُل زیان مفسہ، پاکستان پیپلزپارٹی نا باسک قومی اسمبلی نوابزادہ جمال خان رئیسانی

کوئٹہ۔ 08 اپریل (اے پی پی) پاکستان پیپلزپارٹی نا باسک قومی اسمبلی نوابزادہ جمال خان رئیسانی پارینے کہ ملک اکن قربانی تروک آمخلوق ننا کاٹم نا تاج آک ءُ اوفتا قربانیک اسُل زیان مفسہ، شہید آتا خاہوت آک ہراویل آتا گواچی ءِ ہموغٹ انا جوانی اٹ اندازہ ارے، ننا کوشست ءِ اوفتا ویل آتے زوت آن زوت ایسر کننگے۔ داخیال آتا درشانی ءِ او بلوچستان شہداء فورم نا کنڈآن چیک بشخنگ نا دود آن تران کرسا کرے ، داوخت آ شہید آتا خاہوت آتون اوار ترجمان بلوچستان حکومت شاید رند ہم ساڑی ئس۔ شہدا فورم پیٹران ان چیف  و قومی اسمبلی نا باسک نوابزادہ جمال رئیسانی 14 شہید آتا خاہوت آتیٹی چیک ہم بشخا۔ اوپارے کہ ننا تنظیم شہید آتیکن دے و نن کاریم کننگ اٹی ءِ خاہوت آتیکن ہرفورم آ توار بڑز کینہ، ننا کوشست ءِ کہ حکومت بلوچستان تون اواری اٹ دا شہید آتا خاہوت آتون اواری اٹ کاریم کین، داوخت آ ترجمان حکومت بلوچستان شاید رند پارے کہ تینا وسیلہ غاتیٹی رہینگسا غٹ وسیلہ غاتے کاریم اٹ اتینہ، شہید آتا خاہوت آتا ویل آتے ایسر کننگ کن بلوچستان حکومت تینا کڑد ءِ ادا کیک۔