کوئٹہ۔ 08اپریل (اے پی پی) بلوچستان یونین آف جرنلسٹس نا شدید ردعمل و بلوچستان پولیس نا بڑزکو آفیسر آتا پبی کمک اٹ صحافی تیا بیدادی ٹی اوار پولیس کارندہ ءِ معطل کننگا، صحافی تا نمائندہ تنظیم بی یوجے ، آئی جی بلوچستان ، ڈی آئی جی پولیس بلوچستان، ایس ایس پی آپریشن نا منت واری ءِ ہرفے، پورو کمکاری نا باوری ایگل اسکواڈ نا کارندہ غا رویہ قابل مذمت ءِ۔ بڑزکو پولیس کمامدارآتا کمک ءِ قدر انا نظر اٹ ہرنہ، پولیس تون تین پہ تینی کمکاری و رابطہ کاری برجاسلک۔ بی یوجے نا اعلامیہ نا رداٹ بلوچستان یونین آف جرنلسٹس آئی جی پولیس بلوچستان عبدالخالق شیخ، ڈی آئی جی پولیس عبدالحئی، ایس ایس پی آپریشنز محمد جواد طارق نا منت واری ءِ ہرفسا پارے کہ بی یوجے بڑزکو پولیس کمامدارآتا کمک ءِ قدر انا نظراٹ ہرک، پولیس تون باہمی کمک و رابطہ کاری برجاسلک۔
