اسلام آباد۔ 08 اپریل (اے پی پی) بنجائی وزیر توانائی (پاور ڈویژن ) سردار اویس احمد خان لغاری بجلی دُزی نا چٹفنگ کن دمدستی و سخت گام گیج آتا پارت جاری کرینے و ہروڑنا بجلی دُزی ءِ توننگ کن 23 اپریل اسکان نا ڈیڈلائن مقر رکرینے۔ بنجائی وزیرغٹ ڈسکو تا چیئرمین و ایس ای اوتے مراسلہ جاری رکسا بجلی دُزی نا چٹفنگ کن پارت کرینے کہ او بجلی دُزی ءِ توننگ کن ہرممکن گام ہرفر۔ اوایس ایز، ایکسینز، ایس ڈی اوز، و تعلقدار فیلڈ اسٹاف ءِ ہم تینا علاقہ غاتیٹی دُزی مفننگ نا سرٹیفکیٹ تننگ نا پارت کرینے۔ داکان بیدس بنجائی وزیر تعلقدار آفیسر آتے بجلی دُزی نا غٹ ذریعہ غاتا پدرند ءِ خلنگ و توننگ نا ہم پرمان کرینے۔ اوپارے کہ عدم مطابقت یا متضاد شاہدی تیا محکمہ نا کارندہ غاتا برخلاف کانودی، تادیبی کارروائی مریک۔ بنجائی وزیر پارےکہ بجلی دُزی ٹی اوار کارندہ غاتے سخت سزاتننگ کن کانود آتیٹی ترمیم کننگک تانکہ اسہ ہم بجلی دُز اس کانود نا دُوتیان بچپ۔ اوساڑی حکومت نا بجلی دُزی نا بابت زیرو ٹالرینس نا پالیسی نا ہم تائید ءِ کرے۔ اویس لغاری پارے کہ ساڑی حکومت بجلی دُزی نا چٹفنگ کن ہرممکن کوشست کیک۔
