اسلام آباد۔ 08 اپریل (اے پی پی) اینٹی نارکوٹکس فورس (اے این ایف ) منشیات اسمگلنگ نا برخلاف 9 کارروائی تیٹی 97 کلوگرام منشیات دوئی کرسا 10 دوبہ دار آتے دزگیرکرے۔ اے این ایف ہیڈکوارٹر راولپنڈی آن جاری بیان نا رداٹ اسلام آباد ایئرپورٹ آ ابوظہبی آ ہنوک آ مسافر آن 2.7 کلوگرام چرس دوئی کننگا۔ کراچی ایئرپورٹ آ جدہ غا ہنوک آ مسافر و کمکار آن 23580 نشئی ءُ گولی دوئی کننگا۔ کراچی بالی پٹ آ دوحہ غا ہنوک آ مسافر آن 2 کلوگرام آئس دوئی کننگا ۔ کراچی ایئرپورٹ آ اسہ پین کارروائی اسے ٹی تھائی لینڈ آ ہنوک آ مسافر آن 868 گرام ہیرون دوئی کننگا۔ آرسی ڈی روڈ حب آن 67 کلوگرام ہیرون دوئی کننگا۔ طورخم بارڈر ناخڑک آن 14 کلوگرام چرس دوئی کننگا۔ ایم ون موٹروے اسلام آباد نا خڑک اِرا زالبول آن 4 کلوگرام آئس دوئی کننگا۔ سنگجانی ٹول پلازہ اسلام آباد نا خڑک اِرا زالبول آن 2 کلوگرام چرس و 1 کلوگرام افیم دوئی کننگا۔ کچلاک کوئٹہ ٹی اِرا دوبہ دار آن 2 کلوگرام آئس دوئی کننگا۔ ترجمان نا رداٹ دزگیر دوبہ دار آتا برخلاف منشیات تور ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
