سینیٹ سیکرٹریٹ پوسکن گچین مروک آ سینیٹر آتیکن پارلیمنٹ ہاؤس اٹی خصوصی ڈیسک اس جوڑ کرے

اسلام آباد۔ 08 اپریل (اے پی پی) سینیٹ سیکرٹریٹ نا کنڈآن پوسکن گچین مروک آ سینیٹر آتیکن پارلیمنٹ ہاؤس اٹی خصوصی ڈیسک اس جوڑ کننگا۔ دوشنبے نادے آ  سینیٹ سیکرٹریٹ آن جاری اوعلامیہ نا رداٹ سیکرٹری سینیٹ محمد قاسم صمد خان نا پارت آتا رداٹ کوآرڈی نیشن کمیٹی اس جوڑ کننگانے۔ کمیٹی سیکرٹری سینیٹ نا پارت نا رداٹ پوسکن گچین مروک آ سینیٹر آتا رجسٹریشن نا عمل  ءِ آسان کننگ و کمک فراوان کننگ کن خصوصی ڈیسک اس جوڑ کننگانے۔ سینیٹ سیکرٹریٹ نا چندی بشخ آتا عملہ پوسکن گچین مروک سینیٹر آتے کمک فراوان کننگ اٹ لگوک ءِ، ڈیسک بیگہ نا 5 بجہ اسکان کاریم کرسا کیک تانکہ پوسکن گچین مروک آ سینیٹر آتا رجسٹریشن نا عمل پورو مننگ کے، سیکرٹری سینیٹ دا چرجوئی ٹی غٹ پوسکن گچین مروک آ سینیٹر آتے مراسلہ ہم نوشتہ کرینے، ڈیسک سہب انا 9 بجہ غان ہلیس بیگہ نا 5 بجہ اسکان کاریم کرسا کیک۔