اسلام آباد۔7اپریل (اے پی پی):صدر مملکت آصف علی زرداری ءَ ترکیہ ءِ صدر رجب طیب اردگان ءَ را کسانیں ائید ءِ وشیں روچ ءِ درگت ءَ پیسر ءَ چہ مبارکی داتگ آئی ءَ را پاکستان ءَ آیگ ءِ دعوت ھم داتگ۔ شمبے ءِ روچ ءَ ایوان ءِ صدر ءِ پریس ونگ ءِ رد ءَ صدر مملکت آصف علی زرداری ءَ ترکیہ ءِ صدر رجب طیب اردگان ءَ را ٹیلی فون ءِ سر ءَ نزیکی کتگ اے ساھت ءَ دوئیں صدر آں دو نیمگی یکوئی ءُ وت مہ وتی کار آنی ھوالگ ءَ ھیال ریچی کتگ۔ صدر ءَ جتا جتائیں شوبگ آنی تہ ءَ دو نیمگی یکوئی آناں گیش مھکم کنگ ءِ ضلورت ءِ سر ءَ زور پر داتگ صدر آصف علی زرداری ءَ ترکیہ ءِ صدر ءَ را کسانیں ائید ءِ ھاترا پیشوکی مبارکی داتگ۔ اے ساھت ءَ دوئیں سروک آں نیکیں واھگ آنی درشان کتگ۔
