اسلام آباد۔ 05اپریل (اے پی پی)وزیراعظم محمد شہباز شریف فلسطین و بھارت نا غیرکانودی کوزہ ٹی جموں وکشمیرنا بہادر ایڑھ و ایلم تتون یکجہتی نا درشانی ءِ کرسا پارے کہ اللہ کریم آن کمک نا طالب اُن کہ ہڑتوم آڈیہہ تے آجوئی نا نعمت ملے۔ جمعہ نادے آ تینا ٹویٹ اٹی وزیراعظم پارے کہ الحمداللہ روچہ مبارک نا برکت و نوازش آتیٹی جمعتہ الوداع نا مبارک وخت ننے اسہ وار ولدا نصیب مسنے۔ اوپارے کہ مچ آ قوم آن خواست ءِ کہ اینو نا دا بابرکت دے اللہ سبحانہ و تعالیٰ نا حضور ہوغسا خطاء تا معافی، ملک و ملت نا سیوت وامن و شونداری، ویل و مرض آتیان نجات نا دعا خوار۔ نن فلسطین و بھارت نا غیرکانودی کوزہ ٹی جموں وکشمیر نا بہادر ایڑھ و ایلم تتون یکجہتی نا درشانی ءِ کرسا اللہ کریم آن کمک نا طالب اُن کہ ہڑتوم آ ڈیہہ تے آجوئی نا نعمت ملے۔ بیت المقدس آجو فلسطینی ریاست نا دارالحکومت جوڑ مرسا مسلمان تا روح نا سکون مرے۔
