ایبٹ آباد۔ 05اپریل (اے پی پی) پاکستان مسلم لیگ (ن) خیبرپختونخوا نا سیکرٹری جنرل مرتضیٰ جاوید عباسی پارینے کہ خیبرپختونخوا ٹی سینیٹ ناگچین کاری تے موخر کننگ آئینی خلاف ورزی ءِ، صوبہ ٹی سینیٹ نا گچین کاری تا اڈتننگ کن ہرفورم آ توار بڑز کینہ، اصل اٹ اوفتے خلیس ءِ کہ تینا ہی باسک آک مخالف پارٹی ءِ وونٹ تفس۔ داڑے سوشل میڈیا غا جاری اسہ بیان اسے ٹی مسلم لیگ (ن) خیبرپختونخوا نا سیکرٹری جنرل پارے کہ صوبہ نا الس نا حق آ ڈاکہ خلوک آتا ہر پلیٹ فارم آ محاسبہ ءِ کینہ، وزیراعظم شہباز شریف نا کماشی ٹی خیبرپختونخوا خاص وڑاٹ ہزارہ نا الس نا ویل آتے اولیتی بنداوتیا ایسر کینہ، وزیراعلیٰ علی امین گنڈاپور خیبرپختونخوا ءِ تینا جندانا جاگیر سمجھانے، اونا مستین آن مچ آ صوبہ نا الس باخبرءِ۔ اوپارے کہ ہزارہ الیکٹرک سپلائی کمپنی ءِ فعال کننگ کن وزیر بجلی تون ہم ہیت کرینن، زوت ہزارہ نا مخلوق ءِ دابابت مستائی اس ملک۔
