اسلام آباد۔ 05 اپریل (اے پی پی) بنجائی وزیرکانود اعظم نذیر تارڑ تون پنجاب بار کونسل نا ڈل جمعہ نادے آ اوڑدہی کرے۔ ڈ ل اٹی رانا طفیل احمد نون چیئرمین ریفارمز کمیٹی و پیر عمران بودلہ چیئرمین ایگزیکٹیو پنجاب بار کونسل اوار ئسر۔ وزارت کانود و انصاف نا کنڈآن جمعہ نادے آ جاری بیان نا رداٹ اوڑدہی ٹی جیل ریفارمز و ضرورت مند بندی تے فری لیگل ایڈ فراوان …
بنجائی وزیرکانود اعظم نذیر تارڑ تون پنجاب بار کونسل نا ڈل انا اوڑدہی
اسلام آباد۔ 05 اپریل (اے پی پی) بنجائی وزیرکانود اعظم نذیر تارڑ تون پنجاب بار کونسل نا ڈل جمعہ نادے آ اوڑدہی کرے۔ ڈ ل اٹی رانا طفیل احمد نون چیئرمین ریفارمز کمیٹی و پیر عمران بودلہ چیئرمین ایگزیکٹیو پنجاب بار کونسل اوار ئسر۔ وزارت کانود و انصاف نا کنڈآن جمعہ نادے آ جاری بیان نا رداٹ اوڑدہی ٹی جیل ریفارمز و ضرورت مند بندی تے فری لیگل ایڈ فراوان کننگ نا سلاہ غا سجفنگا۔ وزیرکانود داہیت آ زور شاغا کہ ہمو بندغ آک ہرا کانودی کمک نا حقدار ءُ و اوفتے کانودی رسینگ دوئی اف اوفتے کن لیگل ایڈ کمیٹیک فعال کڑد ادا کیر۔ وزیرکانود پنجاب حکومت تون رابطہ و کمکاری نا ہم باوری کرفے۔ داہیت انا درشانی ءِ کننگا کہ ضلعی کہول آ لیگل ایڈ کمیٹی تے فعال کڑد ادا کروئی مریک تانکہ بے سیبو و ضرورت مند بندغ آتا انصاف اسکان رسینگ ءِ ممکن کننگ مرے۔
