راولپنڈی۔ 05 اپریل (اے پی پی) منشیات تور فورس (اے این ایف) منشیات اسمگلنگ نا برخلاف 8 کارروائی تیٹی 170 کلوگرام منشیات دوئی کرسا 11 دوبہ دار دزگیرکرے۔ اے این ایف ہیڈکوارٹر راولپنڈی آن جاری بیان نا رداٹ اسلام آباد ایئرپورٹ آ شارجہ غا ہنوک آ مسافر آن 1 کلوگرام ہیرون دوئی کننگا۔ سیالکوٹ ایئرپورٹ آ اِرا کارروائی تیٹی قطر آ ہنوک آ اِرا مسافر آتیان 1.6 کلوگرام آئس دوئی کننگا ، قطبی بائی پاس کراچی ٹی اِرا دوبہ دار آتیان 90 کلوگرام چرس دوئی کننگا ، بلیلی چیک پوسٹ کوئٹہ نا خڑک اِرا دوبہ دار آتیان 75 کلوگرام چرس دوئی کننگا۔ ہڈیا رقصور اٹی 2 دوبہ دار آتیان 2 کلوگرام ہیرون دوئی کننگا۔ چکوال اٹی دوبہ دار آن 590 گرام چرس و 24 گرام آئس دوئی کننگا۔ مانسہرہ ٹی دوبہ دار آن 600 گرام چرس دوئی کننگا ۔ ترجمان اے این ایف پارے کہ دزگیر دوبہ دار آتا برخلاف منشیات تور ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
