اسلام آباد۔ 05 اپریل (اے پی پی) ملک اٹی فرنس آئل نا بہاٹی برجامالی سال انا اولیکو 9 تُو اٹی سالانہ بنداو تیا 53 درسد نا کمتی ریکارڈ کننگانے۔ او سی اے سی و انڈسٹری نا حساب وکتاب نا رداٹ برجامالی سال نا اولیکو 9 تُو اٹی 0.84 ملین ٹن فرنس آئل نا بہا ریکارڈ کننگا ہرا تدوک آ مالی سال انا ہندا مد انا مقابلہ 53 درسد کم ءُ۔ تدوک آ مالی سال انا ہندا مد اٹی ملک اتی 1.79 ملین ٹن فرنس آئل نا بہاریکارڈ کننگاسس۔ مارچ اٹی ملک اٹی 0.04 ملین ٹن فرنس آئل نا بہامس ہرا فروری نا مقابلہ ٹی 11 درسد و تدوک آ سال مارچ انا مقابلہ ٹی 48 درسد کم ءُ۔ فروری ٹی ملک اٹی 0.05 و تدوک آ سال مارچ اٹی 0.09 ملین ٹن فرنس آئل نا بہا ریکارڈ کننگاسس۔ یات سلے کہ برجامالی سال انا اولیکو 9 تُو اٹی ملک اٹی 11.34 ملین ٹن پیٹرولیم مصنوعات نا بہاریکارڈ کننگانے ہرا تدوک آ مالی سال انا ہندا مد انا مقابلہ ٹی 11 درسد کم ءُ۔ تدوک آ مالی سال انا ہندا مد اٹی ملک اٹی 12.80ملین ٹن پیٹرولیم مصنوعات نا بہاریکارڈ کننگاسس۔
