اسلام آباد۔ 04اپریل (اے پی پی) بنجائی وزیر صنعت و پیدوار رانا تنویر حسین غذائی رکھ وپٹ وپول نا قلمدان ءِ ہم سنبھالا۔ پنچ شنبے نادے آ وزارت آ بننگ آ سیکرٹری نیشنل فوڈ سیکورٹی کیپٹن (ر) محمد آصف و ایلو سینئر آفیسر آک اودے بخیرکریر۔ رانا تنویر حسین ءِ وزارت غذائی رکھ وپٹ وپول نا امور نا بارواٹی حوال تننگا۔ اوپارے کہ کشت وکشار ملکی زرگزران اٹی تمبہ نا حیثیت تخک، اونا شونداری کن غٹ تر وسیلہ غاتے کاریم اٹ اتنگک۔ اوپارے کہ ساڑی حکومت کشاری بشخ انا شونداری و پیدواری لائخی تے ودفنگ کن سنبرینگوک ءِ۔
