لاہور۔ 04 اپریل (اے پی پی) لاہور نا انسداد رشوت ستانی نا خصوصی عدالت پنجاب اسمبلی ٹی بھرتی تیٹی بے ڈولی تا دوبہ ٹی نوشتہ مقدمہ ٹی دزگیر چوہدری پرویزالٰہی ، مسکوہی پرنسپل سیکرٹری محمد خان بھٹی تون اوار ایلو دوبہ دار آتیا پنچ شنبےنادے آ ہم فرد جرم بیٹ مننگ کتو۔ عدالت غیرکانودی بھرتی تا کیس اٹی چودھری پرویزالٰہی و ایلو دوبہ دار آتے فردجرم بیٹ کننگ کن بٹنگا و مستی سماعت ءِ چنکا عئید انا چھٹی تیان پد اسکان پدبٹے۔ لاہور نا اینٹی کرپشن عدالت نا جج ارشد حسین کیس انا سماعت ءِ کرے، پنچ شنبے نادے آ سماعت آ چوہدری پرویزالٰہی ءِ عدالت اٹ پیش کننگتو، اڈیالہ زندان کمامدارآتا کنڈآن پرویزالٰہی نا میڈیکل سرٹیفکیٹ عدالت اٹ پیش کننگا، ہراٹی پاننگا کہ چوہدری پرویزالٰہی ناجوڑ ءِ او عدالت اٹ پیش مننگ کپک۔
