اسلام آباد۔ 04اپریل (اے پی پی) اٹلی ٹی کاریم کروک آ پاکستانی تا زر راہی تس اٹی برجامالی سال اٹی عمومی ودکی نا رجحان مون آ بسنے۔ سٹیٹ بینک انا کنڈآن دا بابت جاری کروک حساب وکتاب نا رداٹ برجامالی سال انا اولیکو 8 تُو اٹی اٹلی ٹی کاریم کروک آ پاکستانیک 633.5 ملین ڈالر نا زرمبادلہ ملک آ گدریفیر ہرا تدوک آ مالی سال انا ہندا مد انا مقابلہ ٹی 16.4 درسد زیات ءُ ، تدوک آمالی سال نا ہندا مد اٹی اٹلی ٹی کاریم کروک آ پاکستانیک 544.2 ملین ڈالر نا زرمبادلہ ملک آ گدریفیسر۔ فروری 2024اٹی اٹلی آن زرراہی تس نا کچ 73.9 ملین ڈالر ریکارڈ کننگا ہرا جنوری ٹی 82.8 ملین ڈالر و تدوک آ سال فروری ٹی 66.5 ملین ڈالر ئسر۔ یات سلے کہ برجامالی سال انا اولیکو 8 تُو اٹی سمندر پار پاکستانی تا جم زرراہی تس نا کچ 18.082 ارب ڈالر ریکارڈ کننگانے ہرا تدوک آ مالی سال نا ہندا مد اٹی 18.30 ارب ڈالر ئسر۔
