ریاض۔ 03 اپریل (اے پی پی) سعودی عرب غزہ پٹی ٹی ورلڈ سینٹرل کچن تنظیم نا کارندہ غاتے شست کننگ نا ترندی اٹ مذمت ءِ کرینے۔ ایس پی اے نا رداٹ وزارت خارجہ نا بیان اٹی پاننگانے کہ کمکی کارندہ غاتے شست کننگ نا کارروائی اسرائیل نا کنڈآن پدریسہ جہانی انسانی کانود و غاصبانہ ڈوہ تا چرجوئی ءِ۔ وزارت خارجہ مملکت نا کنڈآن کمکی تنظیم و کارندہ غاتے شست کننگ نا کارروائی تے ولدا مسترد کرسا جہانی برادری آن خواست کرے کہ ‘ او دا خلاف ورزی تے توننگ کن دمدستی نوٹس ہلے۔ بیان اٹی جہانی برادری آن مستی خواست کننگاکہ ’ او شاری و انسانی ہمدردی نا بنداو آ کاریم کروک آ آسودہی تنظیم تا رکھ ءِ پک کننگ کن تینا کڑد اداکے تانکہ غزہ پٹی ٹی زہمی تے زوت آن زوت و آخبتی بنداو تیا امداد نا فراوانی ءِ پک کننگ مرے۔
