اسلام آباد۔ 03 اپریل (اے پی پی) پاکستان اسٹیٹ آئل (پی ایس او) نا پیٹرولیم مصنوعات نا بہاٹی مارچ اٹی سالانہ بنداو تیا 11 درسد ودکی ریکارڈ کننگا۔ اوسی اے سی و عارف حبیب ریسرچ نا حساب وکتاب نا رداٹ مارچ اٹی پی ایس او نا 0.59 ملین ٹن پیٹرولیم مصنوعات نا بہاریکارڈ کننگا ہرا تدوک آسال مارچ انا مقابلہ ٹی 11 درسد زیات ءُ۔ تدوک آ سال مارچ اٹی ملک اٹی پی ایس او نا 0.54 ملین ٹن پیٹرولیم مصنوعات نا بہاریکارڈ کننگاسس۔ فروری نا مقابلہ ٹی مارچ اٹی پی ایس او نا پیٹرولیم مصنوعات نا بہاٹی ماہانہ بنداوتیا 5 درسد ودکی مس۔ فروری ٹی پی ایس او نا 0.57ملین ٹن پیٹرولیم مصنوعات نا بہاریکارڈ کننگا ہرا مارچ اٹی ودسا 0.59 ملین ٹن مس۔ برجامالی سال نا اولیکو 9 تُو اٹی پی ایس او نا 5.67 ملین ٹن پیٹرولیم مصنوعات نا بہاریکارڈ کننگا ہرا تدوک آ سال انا ہندا مد انا 6.48 ملین ٹن نا مقابلہ ٹی 13 درسد کم ءُ۔
