بیجنگ۔ 03اپریل (اے پی پی) پاکستان نا چین ءِ سوتی دسک انا بیجنگ ءِ برآمد آتیٹی 98 درسد ودکی ریکارڈ کننگانے۔ سالانہ چین پارے کہ برجاسال اولیکو اِرا تُو(جنوری، فروری) ٹی پاکستان نا سوتی دسک انا بیجنگ ءِ بآمدات 100 ملین ڈالر آن گدرینگا ہرا سالانہ بنداو آ98 درسد زیات ءُ۔ چین ناجنر ایڈمنسٹریشن آف کسٹمز نا حساب وکتاب نا رداٹ جنوری و فروری 2024 اٹی پاکستان آن 100.98 ملین ڈالر نا سوتی دسک درآمد کننگا ہرافتا کچ تدوک آ سال ہند اوخت اٹی 57.77 ملین ڈالر ئسر۔ رپورٹ اٹی پاننگاکہ برجاسال داتم اسکان پاکستان، چین ءِ سوتی دسک نا ویتنام آن پد ارٹ میکو بھلا برآمد کنندہ ءِ۔ سینٹرل کاٹن ریسرچ انسٹی ٹیوٹ ملتان نا ٹرانسفر آف ٹیکنالوجی ڈیپارٹمنٹ نا سروک ساجد محمود چائنہ اکنامک نیٹ ءِ پارے کہ پاک چین یارن نا کاروبار پاکستان کن اہم موقع نا پیدواری ءِ کیک۔ اونا پاننگ ئس کہ چین اتون آجو واپاری معاہدہ غان فائدہ ہرفنگ آن پد ہم پاکستان ءِ بھارت تون سخت مقابلہ نا مون تروک ءِ خاص وڑاٹ نان سیر ویارن اٹی بھارت کن 3.5 درسد زیات ڈیوٹی آن پد ہم حالیت مشکل ءِ۔
