اسلام آباد۔ 03 اپریل (اے پی پی) امریکی ڈالر نا مقابلہ ٹی پاکستانی کرنسی نا قدر اٹی برجا مالی سال نا بناآن ہلیس داتم اسکان 3 درسد ودکی ریکارڈ کننگا۔ بلوم برگ نارپورٹ و سٹیٹ بینک انا حساب وکتاب نا رداٹ 29 مارچ 2024 آ امریکی ڈالر نا مقابلہ ٹی پاکستانی کرنسی نا قدر 277.95 روپئی ریکارڈ کننگا ہرا تدوک آ ہفتہ نا مقابلہ ٹی 0.3 درسد و برجامالی سال انا بناآن ہلیس داتم اسکان 3 درسد زیات ءُ۔ چارشنبے آ نیشنل بینک انا کنڈآن جاری کروک حساب وکتاب نا رداٹ امریکی کرنسی ناقیمت خرید 281.08 و قیمت فروخت 275.02 روپئی ریکارڈ کننگا۔ برطانوی پاؤنڈ نا قیمت خرید345.97 روپئی و قیمت فروخت 353.62 روپئی، یورو نا قیمت خرید 296.95 روپئی و قیمت فروخت 302.95 روپئی ریکارڈ کننگا۔ سعودی ریال نا قیمت خرید 73.32 روپئی و قیمت فروخت 74.94 روپئی و ہندا وڑ یو اے ای درہم نا قیمت خرید 74.87 روپئی و قیمت فروخت 76.54 روپئی ریکارڈ کننگا۔
