اسلام آباد۔ 03 اپریل (اے پی پی) اسلام آباد ہائی کورٹ سوشل میڈیا پلیٹ فارم ’’ایکس ‘‘ انا بندش نا برخلاف درخواست نا سماوعت ءِ 17 اپریل اسکان پدبٹسا سیکرٹری داخلہ ءِ بٹنگا۔ چارشنبے نادے آ عدالت عالیہ نا چیف جسٹس عامر فاروق صحافی احتشام عباسی نادرخواست آ سماعت کرے۔ سماعت اٹی جوائنٹ سیکرٹری داخلہ عدالت اٹ پیش مس و رپورٹ جمع کرفے۔ جوائنٹ سیکرٹری داخلہ عدالت ءِ پارے کہ انٹرنیٹ آ اپ لوڈ مواد آن ملکی سلامتی ِ ءِ خطرہ ءِ، سیکورٹی ایجنسی تا رپورٹ آ ایکس ءِ بند کننگا۔ چیف جسٹس عامر فاروق پارے کہ دستاویز آتے نشان ایت، زبانی کلامی ہیت مفک، سیکرٹر ی داخلہ ءِ بٹنگ۔ چیف جسٹس پارے کہ ایکس بندش نا برخلاف ایلو عدالت آتیٹی ہم کیس آک ءُ، دانا بابت ایلو عدالت آتا فیصلہ غاک ءُ تو اوفتے ہم جمع کرف، قومی سلامتی ءِ ہم خطرہ اس مرے تو اونا ہم سوب آتے پاہ۔ اوکان پد عدالت ایکس بندش کیس اٹی سیکرٹری داخلہ ءِ 17 اپریل آ ذاتی حیثیت اٹ بٹنگا۔
