اسلام آباد۔ 03 اپریل (اے پی پی) وزارت مذہبی امور و بین المذاہب ہم آہنگی پرائیویٹ حج اسکیم نا رداٹ حج انا خواہندار آتے پارت کرینے کہ حج پیکج نا گچینی ءِ احتیاط و سوچ سمجھ اٹ کیر، حج واجبات آتا ادائیگی بیرہ بینک انا کمک اٹ براہ راست کمپنی اکاؤنٹ اٹی کیر۔ وزارت نا حوالی نا رداٹ حج پالیسی 2024 نا رداٹ حج گروپ آرگنائزر کن پیکج آتا کچ ءِ وزارت منظور یا متعین کتنے بلکن او تینا وڑاٹ دا پیکج ءِ تیار کیک و حاجی تون حج معاہدہ ٹی متکب نا کیٹیگری و ایلو آسراتی تا سرجم آتے ایتک۔ منظور مروک حج گروپ  آرگنائزر نا لڑ وزارت نا ویب سائٹ آ ساڑی ءِ ، وزارت حاجی تے پارینے کہ او حج پیکج گچین کننگ آن پد حج گروپ آرگنائزر آن کمپیوٹرائزڈ رسید ضرور ہلیر۔ حج واجبات نا ادائیگی بیرہ بینک انا کمک اٹ کمپنی نا اکاؤنٹ اٹ کیر، اسہ ہم حج گروپ آرگنائزراس نغد وصولی نا مجاز اف۔

متعلقہ مضامینمصنف کی طرف سے مزید