کوئٹہ۔ 03اپریل (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امورنا ماہر سینیٹر محمد عبدالقادر اسہ خصوصی بیان اسے ٹی پارینے کہ شام انا دارالحکومت دمشق اٹیاسرائیلی جہاز آتا بمباری آن ایرانی قونصل خانہ نا ماڑی بھس مس، جلہو اٹی ایران نا چندی سفارتکار و پاسدارانِ انقلاب نا سینئر کمانڈر بریگیڈیئر جنرل محمد رضا زاہدی زوال کرے۔ دا جلہو اٹی دے ٹک نیامی نا حالیت پین بگڑینگ انگ نا اندیشہ ءِ انتئے کہ دا واقعہ غان پد ایران و اوناسیوتی ملک آک اسرائیل نا برخلاف تصادم ناکسر آ بننگ کیرہ۔ جلہو اٹی قونصل خانہ نا ماڑی پورو وڑاٹ بھس مس۔ شامی وزیرداخلہ و وزیر خارجہ اسرائیلی جارحیت ءِ پک کرینے۔ اوپارے کہ جلہواٹی 6 بندغ زوال وخت اس کہ چندی ٹھپی مسنو۔ اسرائیل نا داوڑنا کارروائی تیان ایران و شام انا نیام اٹ تعلقداری آ ہچ ءُ اثراس تمپک۔ غزہ ٹی مروک آ جونی نسخان و ہدف آتا دوئی کننگ اٹ بے سہبی نا سوب آن اسرائیلی وزیراعظم نیتن یاہو نا ذہنی توازن بگڑینگانے۔ غزہ پٹی ٹی اسرائیلی فوج انڈین دھماکہ خیز مواد آتے کاریم اٹ اتنگ ءِ ، اسرائیل ءِ امریکی جنگی سازو سامان ہندوستا ن نا ہلہلہ ئی اسٹور ہاؤس آتیان فراوان کننگا، بھارت اسرائیلی فوج ءِ 20، بھارتی ساختہ ہرمیس 900 ڈرون فراوان کرے ہرا غزہ غا جلہو آتیٹی کاریم اٹ اتنگار۔ اوپارے کہ انڈین ٹریڈ یونین اسرائیل ءِ سلہہ دروک آ غٹ بحری جہاز آتا بائیکاٹ نا پڑو کرینے، حیدرآباد اٹی تیارکروک ڈرون حماس جنگ اٹی اسرائیل نا گرج آتے پورو کننگ اٹ کمک کننگ ءِ۔ 2023ء ٹی امریکہ اسرائیل اٹی تینا ہلہلہ ئی گودام تیان یوکرین ءِ لکھ آ گولہ فراوان کننگ نا بناءِ کرے ، غزہ و لبنان اٹی جنگ آتیان پد، سمت بدل مسنے۔ امریکہ و برطانیہ تون بھارت ہم اسرائیل ءِ بھلو کچ اسے ٹی گولہ بارود فراوان کننگ نا بناءِ کرینے ، غزہ پٹی ٹی اسرائیلی فوج انڈین دھماکہ خیز مواد آتے کاریم اٹ اتنگ ءِ، اسرائیل ءِ امریکی جنگی سازوسامان ہندوستان نا ہلہلہ ئی اسٹور ہاؤس آتیان فراوان کننگا۔ چیئرمین قائمہ کمیٹی مستی پارے کہ 2023 اٹی، امریکہ اسرائیل اٹی تینا ہلہلہ ئی گودام تیان اسرائیل ءِ لکھ آ گولہ فراوان کرے۔ غزہ و لبنان اٹی جنگ آتیان پد، سمت بدل مس۔ اسرائیل نا ایرانی قونصلیٹ آ جلہو و بھارت نا اسرائیل ءِ فلسطین نا برخلاف سلہہ و گولہ بارود نا فراوانی بے کچ قابل مذمت و افسوزناک ءِ۔
