بیجنگ۔ 03 اپریل (اے پی پی) چین اٹی پاکستان نا سفیر خلیل ہاشمی منگولیا نا صدر یکھنا جن کورل سکھ ءِ منگولیا نا دارالحکومت اولان باتور اٹی سفارتی سند آتے پیش کرے۔ منگولیا نا دورہ غا بروک پاکستانی سفیر خلیل ہاشمی سٹیٹ ہاؤس اٹی اڈہلوک دود اٹی صدر ءِ تینا سند آتے پیش کرے۔ خلیل ہاشمی چندی وزارتی و نائب وزارتی کہول نا کمامدار، تعلیمی ادارہ و کاروباری شخصیت آتون اوڑدہی ہم کرے۔ اومنگولیا نا وزیرخارجہ بیتسیت سیگ بیتمو نکھ، وزارت خارجہ نا ایلو سینئر کمامدارآتون گپ وتران اٹی ہڑتوم آ ملک آتا ورناچین نا نیام اٹ خیرخواہی ءِ مون آ دننگ کن تینا متکن آ تہذیبی رابطہ غاتے سوگو کننگ نا گرج آ زور شاغا۔ پاکستان و منگولیا نا نیام اٹ 6 دہائی تیا تالان سوگو تعلقداری ءِ ہرانا بنداو تین پہ تینی شرف، دودوربیدہ ئی مماثلت و کثیر الجہتی فورم تیا سوگو کمکاری ءِ وخت اس کہ زوت آتے اٹ فریق آتا نیام اٹ ہڑتوم آ کنڈآتا گپ وتران اٹی ہم ودکی مسنے۔ چین اٹی پاکستان نا سفیر ءِ منگولیا ٹی پاکستان نا نان ریذیڈنٹ سفیر نا حیثیت دوئی مریک۔
