اسلام آباد۔ 02 اپریل (اے پی پی)نیشنل ڈیزاسٹر مینجمنٹ اتھارٹی نا ترجمان پارینے کہ اسہ ادارہ سے نا کنڈآن تینا عطیہ مہم اتون این ڈی ایم اے نا وابستگی ظاہر کننگ سہی اف، غزہ امداد کن فنڈ جمع کننگ اٹ این ڈی ایم اے تون تعلقدار دعویٰ دروغ و فریب اسے۔ سے شنبے نادے آجاری اسہ بیان اسے ٹی ترجمان پارے کہ فنڈ جمع کننگ کن سرکاری ادارہ نا پن ءِ کاریم اٹ اتنگ بھاز است ہسونی اسے، این ڈی ایم اے داوڑنا سوب آتا برخلاف کانودی چارہ جوئی نا حق ءِ رکھ تخک۔ الس آن خواست کننگک کہ خیال تخر و این ڈی ایم اے تون وابستگی نا دعویٰ ءِ کروک آ ادارہ یا فرد انا جاست وپاست و اوفتے ضرور پک کیر۔
