اسلام آباد۔ 02 اپریل (اے پی پی) پیٹرولیم مصنوعات نابہاٹی برجامالی سال نا بنائی مسہ سہ ماہی تیٹی سالانہ بنداو تیا 11 درسد نا کمتی ریکارڈ کننگانے۔ او سی اے سی و عارف حبیب ریسرچ نا حساب وکتاب نا رداٹ جولائی 2023 آن ہلیس مارچ 2024 نا ایسر اسکان ملک اٹی 11.34 ملین ٹن پیٹرولیم مصنوعات نا بہاریکارڈ کننگا ہرا تدوک آ مالی سال انا ہندا مد انا مقابلہ ٹی 11 درسد کم ءُ۔ تدوک آ مالی سال نا ہندا مد اٹی 12.80 ملین ٹن پیٹرولیم مصنوعات نا بہاریکارڈ کننگاسس۔ مارچ اٹی ملک اٹی 1.15ملین ٹن پیٹرولیم مصنوعات نا بہاریکارڈ کننگا ہرا فروری نا مقابلہ ٹی 3 درسد و تدوک آ سال مارچ انا مقابلہ ٹی 4 درسد زیات ءُ۔ فروری ٹی ملک اٹی 1.12 ملین ٹن و تدوک آ سال مار چ اٹی 1.11 ملین ٹن پیٹرولیم مصنوعات نا بہاریکارڈ کننگاسس۔ حساب وکتاب نا رداٹ برجامالی سال انا اولیکو 9 تُو اٹی پیٹرول نا بہاٹی سالانہ بنداوتیا 5 درسد ، ہائی اسپیڈ ڈیزل 5 درسدو فرنس آئل نا بہاٹی 53 درسد نا کمتی ریکارڈ کننگانے۔
