اے این ایف نا منشیات اسمگلنگ نا برخلاف کارروائی، 6 دوبہ دار دزگیر

راولپنڈی۔ 02 اپریل (اے پی پی) اے این ایف منشیات اسمگلنگ نا برخلاف 9 کارروائی تیٹی 716 کلوگرام آن زیات منشیات دوئی کرسا 6 دوبہ دار آتے دزگیرکرے۔ اے این ایف ہیڈکوارٹر راولپنڈی آن جاری بیان نا رداٹ پشاور بالی پٹ آ دوحہ غا ہنوک آ مسافر آن 745 گرام آئس دوئی کننگا۔ لاہور اٹی کارگوآفس اٹی کراچی آ گدریفوک آ پارسل آن 200 گرام کوکین دوئی کننگا۔ چمن آن 150 کلوگرام ہیرون و 166 کلوگرام مارفین دوئی کننگا۔ یاروپشین آن 110 کلوگرام ہیرون و 52کلوگرام مارفین دوئی کننگا ۔ آرسی ڈی روڈ لسبیلہ غان 100 کلوگرام چرس دوئی کننگا۔ پنڈی بھٹیاں حافظ آباد اٹی اِرا دوبہ دارآتیان 70 کلوگرام چرس و 6.2 کلوگرام افیم دوئی کننگا۔ قطبی بائی پاس کراچی ٹی دوبہ دار اسے آن 50.4 کلوگرام چرس دوئی کننگا۔ برہان انٹرچینج اٹک نا خڑک اِرا دوبہ دار آن 30 کلوگرام چرس دوئی کننگا۔ اورکزئی آن 11 کلوگرام چرس دوئی کننگا۔ ترجمان اے این ایف پارے کہ دزگیر دوبہ دار آتا برخلاف منشیات تور ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔