اسلام آباد۔30مارچ (اے پی پی): مزن وزیر محمد شہباز شریف ءَ گوشت کہ پاکستان روس ءِ گوما جتا جتائیں شوبگ ھاسیں رنگ ءَ ھاٹیگ، تجارت ءُ سرمایہ کاری ءَ دو نیمگی کمک آناں ودینگ ءِ واھشت ائیگ انت، شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ء رشین فیڈریشن ءِ سفیر البرٹ پی خوریف ءَ گوں گند ءُ نند کت۔ مزن وزیر محمد شہباز شریف ءَ گوستگیں ھپتگ ءَ ماسکو ءِ ڈن ءَ کروکس سٹی ہال ارش ءِ سبب ءَ بنی آدم آنی جانی تاوان بار ءِ پد ءَ ڈکھ ءِ درشان کتگ ءُ گوشتگ کہ پاکستان اے سکیں ساھت ءَ روس ءِ گوما یکوئی ءِ درشان ءَ کنت۔ مزن ویر ءَ صدر ولاد یمیر پیوٹن ءِ نیمگ ءَ آئی ءَ ر ا دوارگ مزن وزیر گچین بوھگ ءِ پد ءَ مبارکی کلوہ ءِ پد ءَ شگر ءُ منت واری گپتگ۔
