اسلام آباد۔ 15جون (اے پی پی) مچ آ دنیا ٹی لکھ آ مسلمانک (اینو) جمعہ نا دے اعتکاف اٹی تولرہ ۔ حضور نبی پاک نا سنت مبارکہ غا عمل کرسا روچہ مبارک نا بیست می روچہ آ مچ آ دنیا ٹی لکھ آ مسلمان مسیت آتیٹی آخریکو 10 دے انا رہینگ انگ کن اعتکاف نا نیت ئِ کیرہ۔ 20 روچہ غا دیگر نا نمازآن پد خلقت مسیت آتیٹی عارضی جاگہ جوڑ کرسا اعتکاف اٹی تولرہ۔ اعتکاف عئید انا نوک ئِ خننگ اسکان برجاسلک۔ گڑاس خلقت پورو اعتکاف آن بیدس جزوی اعتکاف ہم کیرہ ہراڑکن او عئید آن مست مسہ دے انا اعتکاف کیرہ۔ اعتکاف اٹی او ہروڑنا دنیاوی معاملہ غاتیان لاتعلق مرسا اللہ نا خوشنودی و نبی پاک نا اسوہ حسنہ غا عمل کرسا دنیا و آخرت نا بھلائی کن اللہ رب العزت نا مون آ سربسجود مرسا خصوصی دعا و عبادت کیرہ۔
