برنج نا برآمد آتیٹی 8 تُواٹی 85.83 درسد ودکی مس، ادارہ شماریات

اسلام آباد۔ 20مارچ (اے پی پی) برجامالی سال نا اولیکو 8 تُو اٹی ملک آن برنج نا برآمد آتیٹی تدوک آ سال نا ہندا مد انا مقابلہ ٹی 85.83 درسد ودکی مسنے۔ پاکستان بیورو شماریات نا حساب وکتاب نا رداٹ جولائی 2023 آن فروری 2024 اٹی 2.517 بلین ڈالر مالیت نا 3.932 ملین میٹرک ٹن آن زیات برنج دوئی کننگا وخت اس کہ تدوک آ سال انا ہندا مد اٹی 1.354 بلین ڈالر مالیت نا 2.546 ملین میٹرک ٹن برنج دوئی کننگاسس۔ تدوک آ8 تُو تیٹی باسپتی برنج نا برآمد آتیٹی 39.43 درسد ودکی مس انتئے کہ ہندابڑزکو گڑاتیان 472،135 میٹرک ٹن آن دوئی مس ہرانا مالیت 539.428 ملین ڈالر ءِ وخت اس کہ تدوک آ ہندا وخت اٹی 386.882 ملین ڈالر نا 366،210 میٹرک ٹن برآمد کننگاسس۔ داکان بیدس ہندا مد اٹی پاکستان ایلو وڑتا کم وود 3.460ملین میٹرک ٹن برنج دوئی کرسا 2.180 بلین ڈالر کٹیاکرے، ہراکہ تدوک آ سال انا ہندا مد اٹی 967.872ملین ڈالر مالیت نا 2.180 ملین میٹرک ٹن ریکارڈ کننگا۔ فروری 2024ٹی 402.043 ملین ڈالر مالیت نا 609،295میٹرک ٹن برنج دوئی کننگاسس  وخت اس کہ تدوک آ سال انا ہندا تُو اٹی 271.312 ملین ڈالر مالیت نا 564،206 ملین ٹن برنج دوئی کننگاسس۔ داڑے دا ہیت قابل ذکر ءِ کہ برجامالی سال نا اولیکو 8 تُو اٹی ملک آن فوڈ گروپ نابرآمد آتیٹی تدوک آ سال نا ہندا مد انا برآمد آتیٹی مقابلہ ٹی 54.05 درسد ودکی مسنے۔جولائی 2023 آن فروری 2024اٹی 4.969 بلین ڈالر مالیت نا چندی غذائی گڑادوئی کننگا وخت اس کہ تدوک آ سال انا ہندا مد اٹی 3.255 بلین ڈالر نا غذائی گڑادوئی کننگاسس۔ فروری 2024اٹی غذائی گڑاتا برآمد آتیٹی 35.38 درسد ودکی مس۔ تدوک آ سال انا ہندا تُواٹی 518.871 ملین ڈالر نا برآمد آتا مقابلہ ٹی 702.469 فروری 2024اٹی ملین ڈالر مالیت نا چندی غذائی گڑادوئی کننگا۔