اے این ایف نا منشیات اسمگلنگ نا برخلاف کریک ڈاؤن، 30 کلوگرام منشیات دوئی، 6 دوبہ دار دزگیر

راولپنڈی۔ 20 مارچ (اے پی پی) اینٹی نارکوٹکس فورس منشیات اسمگلنگ نا برخلاف برجاکریک ڈاؤن اٹی 6 کارروائی تیٹی 30 کلوگرام منشیات دوئی کرسا 6 دوبہ دار ءِ دزگیرکرے۔ اے این ایف ہیڈکوارٹر راولپنڈی آن جاری بیان نا رداٹ ٹی سی ایس آفس راولپنڈی ٹی لاہور آ مون تروک آ پارسل آن 1.2 کلوگرام چرس دوئی کننگا۔ راولپنڈی ٹی واقع کوریئر آفس اٹی تھائی لینڈ آن مون تروک آ پارسل آن 1943 نشئی ءُ گولی دوئی کننگا۔ پشاور ایئرپورٹ آ دوحہ غا ہنوک آ مسافر اسے آن 85آئس آن پُر کیپسول دوئی کننگا۔ مکران کوسٹل ہائی وے حب اٹی اِرا دوبہ دار آن 13 کلوگرام ہیرون ، 9 کلوگرام چرس و 980 گرام آئس دوئی کننگا۔ تاندلیانوالہ روڈ فیصل آباد نا خڑک اِرا زالبول آن 1.5 کلوگرام افیم و 1.2کلوگرام چرس دوئی کننگا۔ جامشورو ٹی دوبہ دار اسے آن 2 کلوگرام چرس دوئی کننگا۔ ترجمان پارے کہ دزگیر دوبہ دار نا برخلاف منشیات تور ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔