فلسطین اٹی اسرائیلی کارروائی تا برخلاف پنجاب اسمبلی ٹی قرارداد اس جمع کرفنگا

لاہور۔ 20مارچ (اے پی پی) پنجاب اسمبلی ٹی فلسطین اٹی اسرائیلی کارروائی تا برخلاف قرارداد اس جمع کرفنگا۔ ترجمان پنجاب اسمبلی نا رداٹ قرارداد مسلم لیگ ن نا باسک حناپرویز بٹ نا کنڈآن چارشنبے نادے آ جمع کرفنگا۔ قرارداد اٹی پاننگانے کہ داایوان فلسطین اٹ اسرائیلی درندگی و وحشیانہ کارروائی تیا سراپا برانز ءِ۔ اسرائیلی ظلم انسانی حق انا خلاف ورزی و لتاڑکاٹم آن گدرینگانے۔ فلسطینی تا کشت وخون عام انسانیت نا نسل کشی آنبار ءِ۔ فلسطینی تا کشت وخون ءِ ہرحال اٹ توروئی مریک۔ قرارداد اٹی خواست کننگانے کہ جہانی برادری فلسطین اٹ جنگ بندی کن تینا کڑد ءِ اداکے۔