کُننگ نا کاروبار نا بابت کانود ءِ منظم کننگ کن بنجائی وزیر ڈاکٹر خالد مقبول صدیقی نا وبائی وزیراعلیٰ تے چٹھی

اسلام آباد۔ 20 مارچ (اے پی پی) بنجائی وزیر سائنس و ٹیکنالوجی ڈاکٹر خالد مقبول صدیقی صوبائی حکومت آتیا زور شاغانے کہ او کُننگ نا کاروبار نابابت کانود ءِ منظم کیر، پنجاب، کے پی کے، سندھ  وبلوچستان نا وزیراعلیٰ تے نوشتہ کروک آ جتا جتا چٹھی تیٹی او مچ آملک اٹی خور انا رکھ و آب ءِ پک کننگ کن یکسانیت نا گرج آ زورشاغا۔ بنجائی وزیر پارے کہ صوبہ و بنجائی ایجنسی تا نیام اٹ قاعدہ وضابطہ و نفاذ نا وڑوڈل اٹی تفاوت اٹی مچ آملک اٹی صارف آتیکن و درآمد و برآمد نا مسخت آتیکن دستیا ب غذائی گڑاتا رکھ و آب ءِ پک کننگ اٹ تضادات، خامی و ممکنہ خلا ودی مسنے۔ اوقومی آب انا ادارہ نا وڑاٹ پی ایس کیو سی اے نا کڑد آ زور شاغا و پاکستان اسٹینڈ رڈز اینڈ کوالٹی  کنٹرول اتھارٹی و صوبائی کمامدارآتا نیام اٹ کوشست آتا نقل ءِ توننگ کن آب آتے آوار کننگ نامخ تفی ءِ کرے۔ اوپارے کہ پاکستان سٹینڈرڈ ز اینڈ کوالٹی کنٹرول اتھارٹی اسٹ انگا قومی آب انا ادارہ ءِ ہرا غٹ غذائی و غیرغذائی مصنوعات ، خذمت و عمل کن آب قائم کیک۔ چٹھی ٹی پاننگانے کہ 18 می ترمیم آن پد صوبہ غاک تینا تیناآب آتے جوڑ کننگ نا بناءِ کریر ہرا جہانی گچین وڑوڈول آتیان چپ ءِ۔ بنجائی وزیر داہیت انا نوٹس ءِ ہلک کہ پاکستان اسٹینڈرڈ ز اینڈ کوالٹی  کنٹرول اتھارٹی  و صوبائی فوڈ اتھارٹیز نا کنڈآن دا سرجزآتا نقل انا سوب آن مینو فیکچررز فریشانی نا گواچی ءِ۔