اسلام آباد۔ 15جون (اے پی پی) وزیراعظم محمد نواز شریف نا اسیجائی جاست وپاستی ٹیم انا مون آ پیشی نا وخت آ جوڈیشل اکیڈمی نا ایب وکیب سیکورٹی نا سخت بست و بند کننگاسس۔ ڈپٹی کمشنر اسلام آباد کیپیٹل ٹیریٹری کیپٹن (ر) مشتاق احمد جندی وڑاٹ سیکورٹی بست و بند آتا چاروکی ئِ کرے۔ داوخت آ فیڈرل بورڈ آن ٹریفک نا ہن و بر بند ئس وخت اس کہ میڈیا ئِ الشفاءانٹرنیشنل ہسپتال نا کنڈآن کوریج نا رسینگ تننگاسس۔ جوڈیشل اکیڈمی نا ایب وکیب 300 آن ہلیس 400 نا خڑک سیکورٹی کارندہ تعینات ئسر ہرافتے ٹی اسپیشل برانچ و رینجرز نا کارندہ غاک ہم ساڑی ئسر۔ انتظامیہ شاری تے مست آن ہی متبادل کسر بشمول صاحبزادہ عبدالقیوم روڈ، بیکن ہاﺅس اسکول روڈ و میر ظفراللہ جمالی روڈ ئِ کاریم اٹ اتنگ نا پارت کننگاسس۔
