سلامتی کونسل متکن آ جھیڑہ غاتیا تینا قرارداد آتیا عملدرآمد نا وڑوڈول آ سنجیدگی اٹ سجفے، پاکستان

نیویارک۔ 20 مارچ (اے پی پی) پاکستان اقوام متحدہ نا سلامتی کونسل آن خواست کرینے کہ او تینا قرارداد خاص وڑاٹ متکن آ جھیڑہ غاتیا قراردادآتیا عملدرآمد نا وڑوڈول آتیا سنجیدگی اٹ سجفے، پاکستان دا ہیت آ زور شاغا کہ 15 باسکی ادارہ ودوک آ چیلنج آتا ورندی ءِ تننگ کن زیات شفاف ، جوابدہ، جوان و جمہوری مرے۔ سے شنبے نادے  آسلامتی کونسل نا تنظیم نو کن بھلو وخت اسے آن برجامذاکرات نا دُوارہ بناکننگ آ سفیر منیر اکرم مندوبین ءِ پارے کہ اسہ گڑاس ہم کونسل نا ساکھ ءِ گچین نفاذ و اونا قرارداد آتیا عمل کپننگ آن زیات مجروح کپک، قراردادآتیا عملدرآمد اٹی بے سہبی سلامتی کونسل نا ساکھ ءِ مجروح کیک و اقوام متحدہ نا چارٹر نا کمک اٹ تروک آ زمواری تے پورو کننگ نا اونا اہلیت آ پت ءِ چٹفک۔ تینا ریمارکس اٹی پاکستان نا سفیر سلامتی کونسل نا کاریم کننگ نا وڑوڈول اٹی شفافیت ، احتساب و شمولیت ءِ مون آ دننگ کن پاکستان نا عزم انا درشانی ءِ کرے، و بامعنی اصلاحات نا دوئی کننگ ن اجتماعی کوشست آتیا زور شاغا۔ داہیت انا کنڈآ اشارہ کرسا پارے کہ اقوام متحدہ نا چارٹر سلامتی کونسل و جنرل اسمبلی ہڑتوم آ تے جتا جتا ولے پورو کڑد ایتک، منیر اکرم پارے کہ ننے غٹ ءِ سلامتی کونسل نا کنڈآن جنرل اسمبلی نا فعال و واکداری تیا پدریسہ تجاوزات، خاص وڑاٹ، کانودی آب قائم کننگ و جنرل اسمبلی نا دنگ اٹ بروک آ چندی ویل آتیکن تعریف آتا تعین نا بابت سنجیدگی اٹ بایدے گڑتی مرے۔