راولپنڈی۔ 20 مارچ (اے پی پی) پاک فوج انا سروک جنرل سید عاصم منیر تینا دورہ ءِ سعودی عرب اٹی ریاض اٹی سعودی ولی عہد شہزادہ محمد بن سلمان تون اوڑدہی کرے۔ آئی ایس پی آر نا رداٹ اوڑدہی ٹی سعودی ولی عہد شہزادہ محمد بن سلمان پاک سعودی تاریخی برادرانہ تعلقداری تے مون آ تخا و پارے کہ سعودی عرب وپاکستان نا تاریخی برادرانہ و سوگو تعلقداری ءِ۔ آئی …
آرمی چیف نا سعودی ولی عہد، وزیر دفاع و فوجی کمامدارآتون جتا جتا اوڑدہی، علاقائی و جہانی ویل آتیا گپ وتران
گیشتریں ھال
راولپنڈی۔ 20 مارچ (اے پی پی) پاک فوج انا سروک جنرل سید عاصم منیر تینا دورہ ءِ سعودی عرب اٹی ریاض اٹی سعودی ولی عہد شہزادہ محمد بن سلمان تون اوڑدہی کرے۔ آئی ایس پی آر نا رداٹ اوڑدہی ٹی سعودی ولی عہد شہزادہ محمد بن سلمان پاک سعودی تاریخی برادرانہ تعلقداری تے مون آ تخا و پارے کہ سعودی عرب وپاکستان نا تاریخی برادرانہ و سوگو تعلقداری ءِ۔ آئی ایس پی آر نارداٹ سعودی ولی عہد نا پاننگ ئس سعودی عرب وپاکستان مدام اسہ ایلوتون تفینو۔ سعودی عرب آخبت اٹ ہم مدام پاکستان تون سلک۔ شہزادہ محمد بن سلمان پاک سعودی تعلقداری ءِ پین سوگو کننگ نا است خواہی نا درشانی ءِ ہم کرے وخت اس کہ آرمی چیف جنرل عاصم منیر پاکستان کن مخ تفی و گرمجوشی نا جوزہ غاتیا سعودی سرکڑدہ غاتا منت واری ءِ ہرفے۔ داکان مست آرمی چیف جنرل سید عاصم منیر تینا دورہ ءِ سعودی عرب اٹی سعودی وزیر دفاع خالد بن سلمان، سعودی چیف آف جنرل اسٹاف جنرل فیاض بن حامد الرویلی و نائب وزیر دفاع انجینئر طلال عبداللہ العطیبی تون ہم اوڑدہی کرے۔ اوڑدہی ٹی سعودی سرکڑدہ غاتون علاقائی امن و سلامتی وہڑتوم آ کنڈآتا دفاعی امور آ گپ وتران کننگا، سعودی سرکڑدہ غاتون سیکورٹی کمکاری تون اوار است خواہی نا گیشتر امور آ ہم گپ وتران کننگا۔
