اسلام آباد۔ 20 مارچ (اے پی پی) وزیراعظم محمد شہباز شریف و کابینہ نا باسک آک حکومتی کہول آ کفایت شعاری نا مون آ دننگ کن رضاکارانہ وڑاٹ تینا تنخواہ و آسودہی ہلپننگ نا فیصلہ کرسا ملک آن دہشت گردی نا پورو چٹفنگ نا عزم ظاہر کرینو۔ بنجائی کابینہ نا دیوان چارشنبے نادے آ وزیراعظم محمد شہباز شریف نا کماشی ٹی اڈ ہلک۔ وزیراعظم تون اوار کابینہ نا باسک آک رضاکارانہ وڑاٹ تینا تنخواہ و آسودہی ہلپننگ نا فیصلہ کرینو۔ کابینہ نا باسک آتا تنخواہ و آسودہی ہلپننگ نا فیصلہ حکومتی کہول آ کفایت شعاری نا مون آ دننگ نا رداٹ ہلنگانے۔ بنجائی وزیر خزانہ محمد اورنگزیب کابینہ ءِ آئی ایم ایف تون سٹاف لیول ایگریمنٹ آ سرجمی اٹ حوال تس۔ حوال اٹی پاننگاکہ آئی ایم ایف تون معاہدہ غان ملکی زرگزران اٹی گچینی بریک و زرکارآتا پت اٹی پین ودکی گمانی ءِ۔ کابینہ پاکستان انٹرنیشنل ایئرلائنز ہولڈنگ کمپنی اس ٹہیفنگ نا منظوری ءِ تس ہراکہ پی آئی اے نا نجکاری نا کنڈآ اسہ اہم ءُ پیش رفت اسے۔ بنجائی کابینہ ٹی میر علی دہشت گرد جلہو نا شہیدآتے خراج عقیدت پیش کننگا و باسک آک اوفتے کن دعاپاتیا کریر۔ کابینہ ملک آن دہشت گردی نا پورو چٹفنگ نا عزم انا درشانی ءِ ہم کرے۔
