مزن وزیر محمد  شہباز شریف  ءَ گوں پاکستان  ءَ کویت ءِ سفیر  ءِ گوما  گند ءُ نند

اسلام آباد۔19مارچ  (اے پی پی): مزن وزیر  محمد  شہباز شریف  ءَ گوں کویت ءِ گوما  یکوئی آناں گیش  برجم کنگ ءِ واستہ تجارت  ءُ سرمایہ کاری  ءِ  نیمگ ءَ دلگوش    دیان ءَ   آوانی گوما  یکجائی ءَ کار  کنگ ءِ   واھشت ءِ درشان  کتگ  ءُ دوئیں ملک آنی  نیام  ءَ   10 ارب   ڈالر   مالیت  ءِ     منوگری  آنی سر  ءَ    پد  ءُ    رند   آناں دل  دیکیمی  جوڑ  کنگ ءِ واستہ  پریک  آناں  مھکمیں کوشست   کنگ ءِ  زور  پر  داتگ۔   سئے شمبے  ءَ  مزن وزیر  کارگس  ءِ   میڈیا  ونگ ءِ  نیمگ ءَ جاڑی بوتگیں  بیان ءِ رد ءَ  مزن وزیر  محمد  شہباز شریف      ءَ  پاکستان ءَ کویت ءِ سفیر  ناصر  عبدالرحمین   جاسر المطیری ءَ گوں  گند ءُ نند کت۔  مزن وزیر  محمد  شہباز شریف   ءَ گوشتگ کہ پاکستان  کویت ءِ گوما  وتی  تاریخی  ءُ  جھلانکیں  یکوئی  ءَ را  با ز  ارزشت  دنت  انت۔  آئی  ءَ کویت ءَ  امیر  شیخ  مشعل  الاحمد  الجابر الصباح   ءَ ھوار  کویتی  سروک   آناں   آوانی  دوارگ   گچین  کنگ ءِ پد ءَ  نیکیں واھشت ءُ  مبارک بات   دیگ ءِ پد ءَ شگر  منت واری   گپت۔   آئی ءَ امیر کویت  ءَ را زوتاں  زوت   پاکستان  ءِ تر ءُ تا  ب  کنگ ءِ  دعوت  دات۔   مزن وزیر  ءَ دل  یکیمی  ءِ درشان  کنان ءَ گوشت کہ نومبر   2023  ءَ دوئیں  ملک آنی  نیام ءَ  10  ارب   ڈالر  مالیت  ءِ   ھپت  منوگری  ءِ  دست  چنگل   جنگ بوت  ایشانی تہ ءَ وردن ءُ وراک ءِ  رکھینگ،  ٹیکنالوجی ،  ہائیڈل  پاور  ،  اشکر  ءِ چات   آں کار  کنگ ءُ    آپ ءِ پجاری ءُ  ہینگر  ءِ برجائی    ءَ ھوار  پزور شوبگ آنی  ھوالگ ءَ اِنت۔  آئی ءَ گوشت  کہ  منوگری  آناں زوت   پد ءُ  رند   ی  ءَ را دل  یکیمی  جوڑ   کنگ ءِ واستہ دوئیں  نیمگ ءَ مھکمیں  کوشست   آنی پد ءَ زور   پر دات۔