دہشت گرد آتا اوغانستان اٹی ساڑی ٹھکانہ غاتیا پاکستان نا فوج انا زبردست بمباری آن غٹ دہشت گرد آک زوال کریر، چیئرمین قائمہ کمیٹی سینیٹر محمد عبدالقادر

کوئٹہ۔ 19 مارچ (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ قطبی وزیرستان پاک اوغان سیم آ واقع مننگ ناسوب آن خوفناک دہشت گردی تون مون تننگ ءِ، تدوک آ دے داڑے مروک آ دہشت گردی ٹی لیفٹیننٹ کرنل سید کاشف علی و کیپٹن محمد احمد بدر تون اوار 7 فوجی ورنابہادری اٹ جنگ کرسا شہید مسر ولے اوفتا ورندی کارروائی ٹی 6 دہشت گرد خلنگار ایلو شہید آتیٹی حوالدار صابر، نائیک خورشید، سپاہی ناصر، راجہ و سجاد اوار ءُ دہشت گرد آتا اوغانستان اٹی ساڑی ٹھکانہ غاتیا پاکستان نا فوج زبردست بمباری کرے ہراٹی ٹھکانہ غاتیٹی ساڑی غٹ دہشت گرد آک زوال کریر۔ داڑے جاری مروک اسہ بیان اسے ٹی سینیٹر محمد عبدالقادر پارے کہ دہشت گرد آتا چٹفنگ کن علاقہ ٹی سینی ٹائزیشن آپریشن کننگ انگ ءِ پاکستان نا فوج آخیریکو دہشت گرد نا خلنگ اسکان آپریشن ءِ برجاتخک پاکستان نا فوج دا علاقہ ٹی بھلو کچ اسے آ آپریشن کرے  ہراٹی اودے خاطرخواہ  سرسہبی دوئی مس ولے منہ دہشت گرد داسکان علاقہ ٹی ساڑی ءُ ہرا تینا بقاکن جنگ کننگ ءُ پاکستان نا فوج ملک انا اسہ اسہ انچ انا دفاع ءِ کیک ، پاکستان نا ازلی دشمن چندی دہشت گرد ٹولی تا کمک اٹ پاکستان نا فوج آ جلہو کننگ ءِ۔ اوپارے کہ پاکستان وار وار آ اوغانستان نا حکومت ءِ دہشت گرد آتا اوغانستان آن پاکستان آ پیدوار کارروائی تا بارواٹی  آگاہ کرینے ولے اوغان حکومت عملی گام گیج کننگ نا جاگہ غا بیرہ زبانی جمع خڑچ آن کاریم ہلک، داسہ پاکستان نا صبر انا پیمانہ لبریز مسنے ، چنانچہ دشمن نا تعاقبءِ کرسا اوغانستان  نا دنگ اٹ پناہ ہلوک دہشت گرد آتا کمین گاہ تیا جلہو کرسا اوفتے بھس کننگانے دا جلہو آتیٹی چندی دہشت گرد زوال کرینو، پاکستان ہر ہموجاگہ غا جلہو کیک ہراکان پاکستان نا دنگ انا تہہ ٹی جلہو کننگک۔ چیئرمین قائمہ کمیٹی پارے کہ مچ آ قوم سیسہ پلائی دیوال آنبار پاکستان نا فوج اتون ہم کوپہ مرسا سلوک ءُ پاکستان نا صبر ءِ اگہ دشمنک پاکستان نا نزوری تکانو تو دااوفتا خام خیالی ءِ اینو آن پد اگہ کنڈاسے آن پاکستان آ جلہو مس تو پاکستان نا فوج دشمن ا پبی لائخی اٹ جلہوکرسا اودے نیست ونابود کرسا ہلک مستین اٹ مروک آ آپریشن ضرب عضب و ردالفساد نا سرسہبی تا سوب آن دہشت گردی ٹی کمتی واقع مسنے۔ پاکستان نا فوج انٹیلی جنس بیس آپریشن تے ودفنگ نا فیصلہ کرینے آخبت ہراکنڈآن ہم پاکستان آ جلہو کننگا پاکستان اوڑآ خاموش مننگ نا جاگہ غا دشمن ءِ دندان شکن ورندی ایتک۔