روشن ڈیجیٹل اکاؤنٹس نا کمک اٹ سمندر پار پاکستانی تا زر راہی تس نا کچ 7.478 ارب ڈالر آن گدرینگا

اسلام آباد۔ 19 مارچ (اے پی پی) روشن ڈیجیٹل اکاؤنٹس نا کمک اٹ سمندر پار پاکستانی تا زر راہی تس نا کچ7.478 ارب ڈالر آن گدرینگانے۔ اسٹیٹ بینک انا کنڈآن جاری کروک حساب وکتاب نا رداٹ ستمبر 2020 آن پد آن ہلسا فروری 2024 نا ایسر اسکان روشن ڈیجیٹل اکاؤنٹس نا کمک اٹ سمندر پار پاکستانیک جم وڑاٹ 7.478 ار ب ڈالر نا زرمبادلہ ملک آ گدریفینو۔ حساب وکتاب نا رداٹ دا مدا ٹی روشن ڈیجیٹل اکاؤنٹس ناکمک اٹ سمندر پار پاکستانیک ملک اٹی جم وڑاٹ 837 ملین ڈالر نا زرکاری کرینے۔ سمندر پار پاکستانیک روایتی پوسکن آ پاکستان سرٹیفکیٹ آتیٹی 304 ملین ڈالر، اسلامی پوسکن آ پاکستان سرٹیفکیٹ آتیٹی 501 ملین ڈالر و پاکستان اسٹاک ایکس چینج اٹی 32 ملین ڈالر نا زرکاری کریر ۔