اے این ایف نا منشیات اسمگلنگ نا برخلاف کارروائی، 52 کلوگرام منشیات دوئی، 4 دوبہ دار دزگیر

راولپنڈی۔ 19مارچ (اے پی پی) اینٹی نارکوٹکس فورس منشیات اسمگلنگ نا برخلاف 5 کارروائی تیٹی 52 کلوگرام منشیات دوئی کرسا 4 دوبہ دار آتے دزگیرکرے۔ اے این ایف ہیڈکوارٹر راولپنڈی آن جاری بیان نا رداٹ اسلام آباد ایئرپورٹ آ قطر آ ہنوک آ مسافر آن 440 گرام آئس دوئی کننگا۔ اسلام آباد ایئرپورٹ آ پین کارروائی اسے ٹی  کراچی آ ہنوک آ مسافر آن 54ہیرون و 4 شکبر مواد آن پُر کیپسول دوئی کننگا۔ لاہور ایئرپورٹ آ ابوظہبی آ ہنوک آ مسافر آن 70 ہیرون کیپسول آن پُر دوئی کننگا۔ تربت آن 50 کلوگرام چرس دوئی کننگا۔ ایم ون موٹروے اسلام آباد نا خڑک زالبول آن 1 کلوگرام چرس دوئی کننگا۔ ترجمان پارے کہ دزگیر دوبہ دار آتا خلاف انسدادِ منشیات ایکٹ نا رداٹ مقدمہ نوشتہ کرسا جاست وپاست نا بناءِ کننگانے۔