پیرس۔ 19 مارچ (اے پی پی) فرانس اٹی پاکستان نا سفیر و یونیسکو کن آخبتی مندوب عاصم افتخار احمد یونیسکو نا ایگزیکٹیو بور ڈانا 219 می دیوان اٹی پاکستان نا نقطہ نظر ءِ پیش کرسا داہیت آ زور شاغا کہ تنظیم نا سٹریٹجک سمت ءِ اونا مسخت آتا رداٹ و درکار فریم ورکس بایدےساڑی مرے تانکہ او مالیاتی ضابطہ نا بابت تینا زمواری تے پورو کننگ کے۔ اوپائیدار شونداری ہدف …
ڈیجیٹل مہارت و وسیلہ غاتسکان رسینگ ءِ گچین کرسا زالبول آتے واکدار کننگ کن پاکستان تون یونیسکو نا کمکاری نا ستاء، ہرا صنفی بریبری و ڈیجیٹل شمولیت کن اسیجائی ویژن نا ڈیک ءِ، پاکستانی مندوب عاصم افتخار
گیشتریں ھال
پیرس۔ 19 مارچ (اے پی پی) فرانس اٹی پاکستان نا سفیر و یونیسکو کن آخبتی مندوب عاصم افتخار احمد یونیسکو نا ایگزیکٹیو بور ڈانا 219 می دیوان اٹی پاکستان نا نقطہ نظر ءِ پیش کرسا داہیت آ زور شاغا کہ تنظیم نا سٹریٹجک سمت ءِ اونا مسخت آتا رداٹ و درکار فریم ورکس بایدےساڑی مرے تانکہ او مالیاتی ضابطہ نا بابت تینا زمواری تے پورو کننگ کے۔ اوپائیدار شونداری ہدف (ایس ڈی جیز) نا دوئی کننگ اٹ بھلا خلا ءِ مر کننگ کن بجٹ نا گچین چاروکی و کنٹرول وسیلہ غاتے متحرک کننگ نا اہمیت آ زور شاغا۔ اوپارے کہ تعلیم پاکستان کن اولیت ءِ ۔ او ڈیجیٹل مہارت و وسیلہ غاتسکان رسینگ ءِ گچین کرسا زالبول آتے واکدار کننگ کن پاکستان تون یونیسکو نا کمکاری نا ستاءِ کرے ہرا صنفی بریبری و ڈیجیٹل شمولیت کن اسیجائی ویژن نا ڈیک ءِ۔ اوپارےکہ یونیسکو کمکاری ءِ ودفسا و سیم تیان پیشن دودوربیدہ ئی گڑا و خذمت آتا رسینگ ءِ پک کرسا مخلوق کن تینا و ایلوفتا دودوربیدہ ئی درشانی اسکان رسینگ نا حالیت ودی کننگ اٹ تینا کڑد ءِ ادا کے۔ اوافریقہ تون گنڈوک اولیت، صنفی بریبری و سمال آئی لینڈ ڈویلپنگ سٹیٹس (ایس آئی ڈی ایس) بارواٹی آپریشنل حکمت عملی نا مخ تفی نا درشانی ءِ کرے۔ اوجہانی فورم تیٹی یونیسکو نا اولیت آتا گچین نمائندگی کن گچین داخلی ہم آہنگی و گچین سٹریٹجک نقطہ نظر نا اہمیت آ ہم زور شاغا۔ پاکستان نا سفیر فلسطینی الس نا پبی مخ تفی نا درشانی ءِ کرسا داہیت آ زور شاغا کہ ہفت دہائی آن برجا نا انصافی ، جور، ریاستی دہشت گردی و غیرکانودی کوزہ دا ویل انا اصول سوب آک ءُ۔ اوپارے کہ یونیسکو ہروڑاٹ غزہ نا حالیت آتیا داتم اسکان ردعمل ظاہر کرینے اونا بنداوی بے حسی، تعصب و دوبہ آبہ اونا ساکھ آ سنگین شک و شبہ ودی کرینے ہرا داوڑنا حالیت آتیٹی اونا گام گیج آتا کانودی حیثیت ءِ ہم زہمی کننگ کیک۔ او غٹ باسک آتا چکار ءِ داکنڈآ کرفے کہ نرینہ و نیاڑی تے امن و سکون نا چاگڑد تننگ نا تینا مشن ءِ پورو کننگ کن نن متعصبانہ رویہ ءِ اِلنگ، فکری و اخلاقی یکجہتی ءِ سوگو کننگ کن کاریم کننگ و کمکاری و افہام و تفہیم ءِبایدے ودفین تانکہ معلومداری و عمل نا نیام اٹ ساڑی خلیج ءِ کم کننگ مرے ہرا گیشتر شونداری نا کسر اٹ اڑاند مریک۔
