لاہور ہائیکورٹ پنجاب نا 67 سرکاری پراسیکیوٹر آتے جاری شوکاز نوٹس آتیا عملدرآمد ءِ تورے

لاہور۔ 19مارچ (اے پی پی) لاہور ہائیکورٹ پنجاب نا 67 سرکاری پراسیکوٹرآتے شوکاز نوٹس جاری کننگ نا برخلاف دائر درخواست آ کارروائی کرسا سیکرٹری پراسیکیوشن نا کنڈآن 67 پراسیکیوٹرآتے جاری شوکاز نوٹس آتیا عملدرآمد ءِ تورے۔ جسٹس علی باقر نجفی نا کماشی ٹی اِرا باسکی بنچ پراسیکیوٹر نادرخواست آ سے شنبے آ عبوری پرمان جاری کرینے۔ سیکرٹری پراسیکیوشن مقدمہ غاتا چالان تے وخت آ عدالت آتیٹی جمع کرفپننگ آ  67 پراسیکیوٹرآتے شوکاز نوٹس جاری کریسس ہراڑآپراسیکیوٹر شوکاز نوٹس جاری کننگ نا گام ءِ لاہور ہائی کورٹ اٹی چیلنج کرینے۔