اسلام آباد۔ 15جون (اے پی پی) سلاہکار خارجہ سرتاج عزیز بنگلہ دیش نا مشی آ علاقہ ٹی ساڑی آ لینڈ سلائیڈنگ نا سوب 130 نہادی جان تا زیان و انفراسٹرکچر ئِ مروک آ نسخان آ است ہسونی نا درشانی ئِ کرینو۔ پنچ شنبے نا دے دفترخارجہ نا رداٹ سلاہکار خارجہ بنگلہ دیش نا وزیر خارجہ عبدالحسن محمود علی ئِ چھٹی ٹی نہادی جان تا زیان آ ڈکھ و است ہسونی نا درشانی ئِ کرسا پارے کہ او پاکستان نا حکومت و الس نا کنڈآن داسانحہ غا بنگلہ دیش حکومت و الس تون ہڑزخواہی و ہمدردی نا درشانی ئِ کیک و سانحہ ٹی تپاخت کروک آ تے کن دعاگوئِ۔ اوٹھپی تا زوت جان جوڑی کن ہم نیک است خواہی تا درشانی ئِ کرے۔
