اسلام آباد۔ 19 مارچ (اے پی پی) بنجائی وزیر سائنس و ٹیکنالوجی ڈاکٹر خالد مقبول صدیقی ملک اٹی ٹیکنالوجی نا شونداری، چیلنج آتون مون تننگ و وزارت سائنس و ٹیکنالوجی نا فعالیت ءِ ودفنگ کن پبی گام گیج آتا گرج آ زور شاغانے۔ داخیال آتا درشانی ءِ او سے شنبے نادے آ داڑے وزارت سائنس و ٹیکنالوجی ٹی مروک آ دیوان اٹی وزارت نا چندی ونگ آتا سروک آتون گپ …
بنجائی وزیر سائنس و ٹیکنالوجی ڈاکٹر خالد مقبول صدیقی نا وزارت نا چندی ونگ آتا سروک آتون گپ وتران
گیشتریں ھال
اسلام آباد۔ 19 مارچ (اے پی پی) بنجائی وزیر سائنس و ٹیکنالوجی ڈاکٹر خالد مقبول صدیقی ملک اٹی ٹیکنالوجی نا شونداری، چیلنج آتون مون تننگ و وزارت سائنس و ٹیکنالوجی نا فعالیت ءِ ودفنگ کن پبی گام گیج آتا گرج آ زور شاغانے۔ داخیال آتا درشانی ءِ او سے شنبے نادے آ داڑے وزارت سائنس و ٹیکنالوجی ٹی مروک آ دیوان اٹی وزارت نا چندی ونگ آتا سروک آتون گپ وتران کرسا کرے۔ڈاکٹر خالد مقبول صدیقی پارےکہ وزارت ناکاریم تے گچین کننگ و ساڑی ویل آتون مون تننگ کن کمکاری المی ءِ۔ دیوان اٹی ’’حلال واپار‘‘ ءِ مون آ دننگ و درآمد آتا چاروکی ٹی پاکستان حلال اتھارٹی نا کڑد ءِ ہم مون آتخنگا۔ بنجائی وزیر سائنس و ٹیکنالوجی ءِ پاننگاکہ کراچی ٹی کونسل فار ورکس اینڈ ہاؤسنگ ریسرچ نا گچین کارکڑد کن اونا تنظیم نو نا گرج ءِ۔ داہیت ذکر انا قابل ءِ کہ ٹیکنالوجی کمرشلائزیشن کارپوریشن آف پاکستان ءِ ریسرچ اینڈ ڈویلپمنٹ ایجنسی( آئی آر اے ڈی اے) اٹ بدل کننگک تانکہ تکنیکی شونداری کن کمکاری ءِ ودفنگ مرے۔ دیوان اٹی نیشنل انسٹی ٹیوٹ آف الیکٹرانکس نا الیکٹرانک گاڈی تیا کاریم و ہائی ڈیمانڈ چپ ڈیزین نا بارواٹی گپ وتران کننگا ہرا پاکستان اٹی ٹیکنالوجی نا مون آ دننگ آ چکار تخک۔
