اسلام آباد۔ 19 مارچ (اے پی پی) بنجائی وزیر کانود اعظم نذیر تارڑ پارینے کہ زرگزران نا گچینی کن وزیراعظم دے ونن کوشست کننگ اٹی ءِ، حکومت نا پورو چکار زرگزران نا سہی کننگ آٹی ءِ، الس ءِ زیات آن زیات ریلیف تننگ کن کوشست کننگ ءِ، حکومت میثاق معیشت کن غٹ سیاسی جماعت آتے پیش کش کرینے، تینا سیاست ءِ نسخان ترسا ملک ءِ ڈیفالٹ آن بچفین، پنجاب اٹی …
حکومت نا پورو چکار زرگزران ءِ سہی کننگ آٹی ءِ، بنجائی وزیرکانود اعظم نذیر تارڑ
گیشتریں ھال
اسلام آباد۔ 19 مارچ (اے پی پی) بنجائی وزیر کانود اعظم نذیر تارڑ پارینے کہ زرگزران نا گچینی کن وزیراعظم دے ونن کوشست کننگ اٹی ءِ، حکومت نا پورو چکار زرگزران نا سہی کننگ آٹی ءِ، الس ءِ زیات آن زیات ریلیف تننگ کن کوشست کننگ ءِ، حکومت میثاق معیشت کن غٹ سیاسی جماعت آتے پیش کش کرینے، تینا سیاست ءِ نسخان ترسا ملک ءِ ڈیفالٹ آن بچفین، پنجاب اٹی مریم نواز الس نا خذمت اٹی لگوک ءِ۔ داخیال آتا درشانی ءِ بنجائی وزیر کانود اعظم نذیر تارڑ سے شنبے نادے آ قومی اسمبلی نا باسک ڈاکٹر طارق فضل چوہدری و محمد حنیف عباسی تون اوار داڑے اسلام آباد اٹی میڈیا تون گپ وتران کرسا کرے۔اوپارےکہ قائد محمد نواز شریف نا راہشونی ٹی ملک ءِ تنکی آن کشنہ، حکومت نا پورو چکار زرگزران ءِ سہی کننگ آٹی ءِ ، پرائس کنٹرول نظام ءِ فعال کننگ نا گرج ءِ، صوبہ غاتون اواری اٹ کوڑی کروک آتا برخلاف کارروائی کینہ، الس ءِ زیات آن زیات ریلیف تننگ کن کوشست کننگ اُن۔
