سیالکوٹ آن چندی صوبائی اسمبلی نا باسک و ایلو سیاسی شخصیت آتا وزیردفاع خواجہ محمد آصف ءِمبارکباد

سیالکوٹ۔ 18 مارچ (اے پی پی) سیالکوٹ آن صوبائی اسمبلی نا چندی  باسک آک ، ایلو سیاسی راہشون و  پنی آ شخصیت آک وزیردفاع خواجہ محمد آصف ءِ وزارت  نا منصب ءِ سنبھالنگ آ مبارکبادی تسنو۔ مبارکباد تروک آتیٹی مسکوہی چیئرمین یونین کونسل اسلام آباد فرخ حفیظ بٹ، روحیل بٹ، حسن شیر، نصیر سعید مغل، مسکوہی چیئرمین حاجی شیخ عبدالقدیر، چوہدری عبد الرزاق وچوہدری علی اکبر المعروف ڈی سی تون اوار ایلوفک اوار ئسر۔ اوفک خواجہ آصف ءِ گلدستہ پیش کریر و اوڑکن نیک است خواہی نا درشانی ءِ کریر۔ صوبائی اسمبلی نا باسک محمد منشاءاللہ بٹ، باسک صوبائی اسمبلی چوہدری فیصل اکرام، باسک صوبائی اسمبلی چوہدری نوید اشرف، مخصوص نشست آ باسک صوبائی اسمبلی گلناز شجاعت پاشا، ضلعی سیکرٹری جنرل شجاعت علی پاشا، باسک صوبائی اسمبلی رانا عارف ہرناہ، مسکوہی اقلیتی ایم پی اے ذوالفقار غوری و ایلوفک ہم داوخت آ داڑے ساڑی ئسر۔ یات سلے کہ خواجہ آصف داکان مست وزیر دفاع، وزیر خارجہ، بنجائی وزیر دیر و بجلی، بنجائی وزیر پٹرولیم، بنجائی وزیر سپورٹس، چیئرمین نجکاری کمیشن رہینگانے وداسہ ولدا وزیر دفاع، بنجائی وزیر دفاعی پیداوار و بنجائی وزیر ایوی ایشن جوڑ مرسا السی خذمت نا سفر ءِ برجاتخانے۔